Објавување со Отворен пристап во РС Македонија (ОПМК) е агрегатор на Отворен пристап во научното објавување во РС Македонија и поддршка на базите на податоци во Светот (OpenAIRE, DOAJ, BASE) подржано од Научна фондација СПИРОСКИ, Скопје.
Списанија
-
Македонско медицинско електронско списание
Македонско медицинско електронско списание (ММЕС) е списание од областа на медицината и сродните дисциплини во кое се објавуваат трудови од основната медицина, клиничка медицина, приказ на случаи, ревиски трудови, јавно здравје и историја на медицината, магистерски тези и докторски тези на македонски јазик. Целиот процес на поднесување, прегледување, комуникација, депонирање, читање и преземање на трудовите е електронски.
-
Архиви на јавното здравје
Архиви на јавно здравје (Aрх Ј Здравје) е медицинско научно списание со отворен пристап публикувано од Институтот за јавно здравје на Република Северна Македонија. Aрх Ј Здравје е меѓународно, модерно, општо медицинско списание кое ги опфаќа сите области во медицинските науки, од базични истражувања до големи клинички испитувања и кост-ефективност анализи. Објавуваме претежно епидемиолошки и клинички студии во кои се утврдува етиологијата и епидемиологијтаа на болестите, превенција на болести, развој на прогностички и дијагностички технологии; испитувања кои ја тестираат ефикасноста на специфични интервенции или споредуваат различни третмани на болести. Нашата цел е да промовираме примена на реузлтатите во клиничките истражувања и пракса. Наша целна публика е меѓународната медицинска заедница, како и едукатори, креатори на политики, групи за застапување на пациенти и заинтересирани членови на јавноста ширум светот.
