НФС - Списанија (Научна фондациа СПИРОСКИ - Списанија) е агрегатор на неколку академски списанија и ги поддржува во бази на податоци со отворен пристап во Светот (OpenAIRE, BASE)
Списанија
-
Македонско медицинско електронско списание
Македонско медицинско електронско списание (ММЕС) е списание од областа на медицината и сродните дисциплини во кое се објавуваат трудови од основната медицина, клиничка медицина, приказ на случаи, ревиски трудови, јавно здравје и историја на медицината, магистерски тези и докторски тези на македонски јазик. Целиот процес на поднесување, прегледување, комуникација, депонирање, читање и преземање на трудовите е електронски.
Трудовите се објавуваат според моделот на Отворен пристап, а авторите дозволуваат секому да презема, повторно да користи, повторно да печати, менува, дистрибуира и/или да копира статии, доколку се наведат оригиналните автори и изворот. Носители на авторските права се самите автори. Секој доставен труд од базична медицина, клиничка медицина, приказ на случаи, ревиски трудови, јавното здравје и историја на медицината ќе биде рецензиран и доколку биде прифатен ќе се објавува континуирано со доделување идентификатор на труд (ID), како и идентификатор на дигитален објект (DOI) и ќе може веднаш да се цитира. На овој начин се надминува чекањето и се олеснува користењето на информациите. Магистерските и докторските тези се објавуваат без рецензија како апстракт или како целосна содржина со авторско право на авторите.
Целта на ММЕЈ е да им овозможи на младите лекари брзи, достапни и квалитетни информации од најзначајните области на медицината и околните дисциплини, како и да им понуди модерно и отворено списание за објавување на нивните трудови.
-
Архиви на јавното здравје
Архиви на јавно здравје (Aрх Ј Здравје) е медицинско научно списание со отворен пристап публикувано од Институтот за јавно здравје на Република Северна Македонија.
Aрх Ј Здравје е меѓународно, модерно, општо медицинско списание кое ги опфаќа сите области во медицинските науки, од базични истражувања до големи клинички испитувања и кост-ефективност анализи. Објавуваме претежно епидемиолошки и клинички студии во кои се утврдува етиологијата и епидемиологијтаа на болестите, превенција на болести, развој на прогностички и дијагностички технологии; испитувања кои ја тестираат ефикасноста на специфични интервенции или споредуваат различни третмани на болести. Нашата цел е да промовираме примена на реузлтатите во клиничките истражувања и пракса. Наша целна публика е меѓународната медицинска заедница, како и едукатори, креатори на политики, групи за застапување на пациенти и заинтересирани членови на јавноста ширум светот.
