Апстракт

Дијабетес мелитус (ДМ) претставува јавноздравствен проблем кој е се повеќе присутен и влијае на здравствената состојба на населението. Во повеќе студии ДМ се доведува до корелација со кар­диоваскуларни заболувања, а и мозочните крварења воопшто. Цел на трудот е да се утврди дали присуството на дијабетес мелитус влијае на исходот на мозочно крварење. Материјал и методи: За целите на ова истражување беше формиран примерок од 61 пациент со дијагноза хипертензивен интрацеребрален хематом во хемисферите на мозокот. Резултати: Застапеноста на дијабетесот во групата испитаници кои го преживеале интрацеребралното крварење е 26,67%, додека во гру­пата испитаници кај кои болеста завршила летално дијабетесот има несигнификантно поголема застапеност од 43,75% (Chi-square:1,61df=1,p=0,21). Анализата за застапеноста на дијабетес во однос на мобилноста на испитаниците покажува дека нема испитаници со шеќерна болест во групата пациенти кои можат самостојно да функционираат, додека шеќерна болест имаат 7 (24,14%) испи­таници во групата со можност за дневни активности со помош на помагало, и 5 (50%) во групата испитаници кои во обавувањето на секојдневните функции се комплетно зависни од туѓа помош. Статистичката анализа на овие разлики покажа дека не се сигнификантни (Fisherexact p=0,105). Заклучок: Кај пациентите кои имаат мозочно крварење со летален исход почесто е присутен ДМ, како и кај пациенти кои преживале но после тоа имаат намалена мобилност. Но овие разлики не се статистички значајни. Потребни се мерки за намалување на инциденцата на дијабетес мелитус. Овие мерки вклучуваат рано откривање на болеста, лекување и спречување на попреченост.